اعتمدت فى السنوات ال 20 اللى فاتت شركات الانترنت فى مصر على الكابلات النحاسيه فى توصيل خدمات الانترنت والتليفون المنزلى واللى اصبحت دلوقتى مش قادره تواكب التطور الكبير فى المحتوى الموجود سواء على منصات السوشيال ميديا او او منصات العرض زى Netflix و شاهد و غيرهم ومن خلالنا هنعرفك تفاصيل تكنولوجيا ال FTTH اللى هتعتمد عليها الشركات فى السنوات الجايه لتوصيل خدماتها و ايه مميزات وعيوب الانترنت عن طريق كابلات Fiber

اولا: ماهى الالياف الضوئية

الألياف البصرية هى كابلات رفيعة مصنوعة من السيليكا أو البلاستيك الشفاف، بتوصل اشارت ضوئيه بدل الهزات المستخدمه فى الكبلات النحاسيه نقدر نقول انها تقريبا هتنقل الاشارات تقريبا بسرعه الضوء

و الألياف الضوئية يسمح بنقل معدلات أعلى بكثير في التحميل والرفع مقارنه ب ADSL

ثانيا : مميزات كابلات ال Fiber

قله المشاكل و عدم تأثرها بالمؤثرات التقليديه

كابلات الألياف الضوئية مُحصنة ضد التداخل الكهرومغناطيسي ومبيحصلش ضياع للاشاره حتى لو تم مدها لمسافات طويلة ومبتتأثرش بالكهرباء على عكس الأسلاك النُحاسية اللى بتتأثر بالكثير من الاسباب و بالتالى من المتوقع ان المشاكل فى الخدمه بعد استخدام اسلاك الفايبر هتكون اقل بكتير من دلوقتى.

ثالثا : مقارنه بين تكنولوجيا ال ADSL الحاليه و ال FTTH

الفرق الرئيسى اللى هيهم كل المستخدمين حاليا هو السرعه اللى هتوصل تقريبا ل 20 ضعف السرعات الحاليه سواء فى التنزيل Download او الرفع Upload ونسبه ثبات الخدمه اللى بتكون كبيره جدا مقارنه ب الطريقه الحاليه و ده اكيد هينعكس مباشره على تجربه الاستخدام سواء فى تشغيل الفيديو او الالعاب او حتى التصفح بحث انك بسهوله جدا تقدر تشغل اى فيديو على اعلى جوده متاحه حتى لو 8K بسهوله وبدون تقطيع و تجربه الحميل تقدر توفرلك سرعه تنزيل توصل ل 500 ميجا ف الثانيه مقارنه ب ال ADSL اللى اقصى تحمل ليه بيكون 24 ميجا ف الثانيه.

مثال ل سرعه احد الخطوط فى مصر بعد استخدام كابلات الفايبر بدلا من الكابلات النحاسيه

زى م احنا ملاحظين سرعه تنزيل مقاربه ل 500 ميجا وسرعه رفه مقاربه ل 100 ميجا

هاتف S23 Plus هو اخر هاتف من نوعه | دعنا نودّع هاتف Plus من سلسلة جالاكسي S

رابعا : عيوب استخدام تكنولوجيا ال FTTH

تأثير السرعه على استهلاك الباقات المحدوده

بالتأكيد ان تكنولوجيا ال FTTH لها بعض العيوب من وجهه نظر المستخدم فى مصر على الرغم من المزايا اللى بتقدمها زى م قولنا قبل كده ,
الا ان السرعه الكبيره اللى بتقدمها ال FTTH بالتاكيد بتخلى استهلاك الباقات المحدوده المتوفره فى مصر اسرع ومن المؤكد ان ساعات الباقات المتوفره فى مصر مش مواكبه للسرعه دى
على سبيل المثال باقات ال 140 جيجا المنتشره حاليا ممكن تخلص ب استخدام السرعات الكبيره فى فتره صغيره جدا على عكس التكنولوجيا الحاليه اللى بتوفر سرعه صغيره وبالتالى استهلاك الباقات بيكون اقل وممكن يكمل مع المستخدم الشهر كله.

حساسيه الاسلاك :

نظرا لان اسلاك ال Fiber بتكون رقيقه جدا بتكون قابله للالتواء والكسر فى احيان كتير لو متمش حفظها فى مواسير حمايه
وهذا بيكون احد المشكلات لان اى كسر فى الكابلات بيؤدى ل انقطاع الخدمه بشكل مباشر
و مفيش امكانيه ل لحام الكابل ولازم يتم تغييره من شركه الانترنت فقط لانه مش متوفر ف الاسواق زى الاسلاك النحاس.